អនាគតនៃពាណិជ្ជកម្មអេឡិចត្រូនិក និងការដឹកជញ្ជូន
នៅថ្ងៃសៅរ៍ ទី១៣ ខែកក្កដា ឆ្នាំ២០២៤ ខាងមុខនេះ Startup Grind Cambodia បានរៀបចំព្រឹត្តិការណ៍ជំនួបស្ថាបនិក ដើម្បីស្វែងយល់ និងពិភាក្សាលើប្រធានបទ “អនាគតនៃពាណិជ្ជកម្មអេឡិចត្រូនិក និងការដឹកជញ្ជូន” ដែលមានការចូលរួមពីវាគ្មិនពិសេសពីររូបគឺ លោក ជា ឡង់ដា សហស្ថាបនិក និងនាយកប្រតិបត្តិនៃក្រុមហ៊ុន BookMeBus និងកញ្ញា រស្មី ដាណែត នាយកប្រតិបត្តិ និងសហស្ថាបនិកនៃក្រុមហ៊ុន Tenbox។
BookMeBus គឺជាប្រព័ន្ធកក់សំបុត្រឡានក្រុងឈានមុខគេមួយក្នុងប្រទេសកម្ពុជាដែលធានាសុវត្ថិភាព និងគុណភាពជូនដល់អតិថិជនជាតិ និងអន្តរជាតិ។ ចំណែកឯ Tenbox គឺជាទីផ្សារលក់ដុំដែលផ្តោតលើផលិតផលអាហារ និងភេសជ្ជៈ ព្រមទាំងសេវាកម្មចែកចាយទៅកាន់ភោជនីយដ្ឋាន ហាងកាហ្វេ និងម៉ាតនៅអាស៊ីអាគ្នេយ៍។
ព្រឹត្តិការណ៍នេះនឹងប្រារព្ធឡើងក្នុងគោលបំណងចែករំលែកចំណេះដឹង និងបទពិសោធន៍ពាក់ព័ន្ធនឹងការចាប់ផ្ដើមធុរកិច្ច ឬអាជីវកម្មថ្មីដែលអាចចូលរួមបានដោយឥតគិតថ្លៃ នៅអគារ KY iCenter ជាន់ទី ២១ ពេលវេលាម៉ោង ២ ដល់ ៥:៣០ រសៀល។
ចុះឈ្មោះតាមរយៈ៖
🌎Website: www.bookme.plus/t/events/founder-connect
📱App: https://onelink.to/bookmeplus
📝Form: https://bit.ly/founderconnect1
សូមរង់ចាំស្ដាប់ និងទស្សនាការចែករំលែកពីបទពិសោធន៍នានារបស់ធុរកិច្ចថ្មីបន្ថែមទៀតក្នុងពេលឆាប់ៗខាងមុខនេះ តាមរយៈហ្វេសបុកផេករបស់ Papa Cambodia News ។
