ក្រុមហ៊ុន CheckinMe បានប្រារព្ធពិធីអបអរសាទរខួបទី១១៣ នៃទិវានារីអន្តរជាតិ
កាលពីព្រឹកថ្ងៃសុក្រ ទី០៨ ខែមីនា ឆ្នាំ២០២៤ ក្រុមហ៊ុន CheckinMe បានប្រារព្ធពិធីអបអរសាទរខូបទី១១៣ នៃទិវានារីអន្តរជាតិក្រោមអធិបតីភាពរបស់លោក ឡី កំថូង ប្រធាននាយកប្រតិបត្តិនៃក្រុមហ៊ុន CheckinMe និងក្រុមការងារគ្រប់ជាន់ថ្នាក់ ជាពិសេសនារីទាំងអស់នៅក្រុមហ៊ុន។
ក្នុងកម្មវិធីនេះដែរលោក ឡី កំថូង បានឡើងថ្លែងសុន្ទរកថាស្វាគមន៍ និងធ្វើបទបង្ហាញពីចំណេះដឹងថ្មីៗព្រមទាំងមតិសំណេះសំណាលជាមួយក្រុមការងារទាំងអស់គ្នា។
កម្មវិធីនេះធ្វើឡើងក្នុងគោលបំណងជម្រុញលើការលើកកម្ពស់ និងឲ្យតម្លៃដល់ស្រ្តីទូទាំងពិភពលោក ព្រោះនារីជាដៃគូមិនអាចខ្វះបាន ក្នុងការចូលរួមចំណែកយ៉ាងសំខាន់ក្នុងដំណើរការអភិវឌ្ឍលើវិស័យផ្សេងៗ។
កម្មវិធីនេះបានប្រពឹត្តទៅដោយរលូន និងមានការរៀបចំកាដូជាពិសេសជូនដល់បុគ្គលិកនារីៗទាំងអស់របស់សមាជិកគ្រួសារ CheckinMe ព្រមទាំងមានការថតរូបទុកជាអនុស្សាវរីយ៍ផងដែរ។
សូមរង់ចាំស្ដាប់ និងទស្សនាការចែករំលែកពីបទពិសោធន៍នានារបស់ធុរកិច្ចថ្មីបន្ថែមទៀតក្នុងពេលឆាប់ៗខាងមុខនេះ តាមរយៈហ្វេសបុកផេករបស់ Papa Cambodia News ។
