តោះទៅស្វែងយល់បន្ថែមពីអាជីវកម្មថ្មីមួយទៀតដែលបានពាំនាំនូដំណោះស្រាយលើផ្នែកគ្រប់គ្រងធនធានមនុស្សតាមរយៈការប្រើប្រាស់ បច្ចេកវិទ្យាឌីជីថល ។ ចង់ដឹងថា អាជីវកម្មនេះជាអ្វី? ដោះស្រាយបញ្ហាអ្វីខ្លះ និងបានបង្កើតឡើងដោយរបៀបណា? តោះទៅអានអត្ថបទខាងក្រោម ទាំងអស់គ្នា៖ 

ដំណោះស្រាយ

ផ្ដល់ជូននូវដំណោះស្រាយតាមបែបឌីជីថលសម្រាប់សហគ្រាស ខ្នាតមធ្យម គ្រប់គ្រងធនធានមនុស្ស និងសកម្មភាពលក់ដោយស្វាយប្រវត្តិ។

ក្រុមស្ថាបនិក

1. លោក ឡី កំថូង
2. លោក វ៉ាន់ សុខជា
3. កញ្ញា ចៅ ជិញលីលី
4. អ្នកស្រី សៅ ច័ន្ទរចនា
5. លោក កន សានីត

រៀបរាប់អំពីអាជីវកម្ម

“CheckinMe” ដែលមានគំរូអាជីវកម្មប្រភេទ B2B គឺជាបច្ចេកវិទ្យាគ្រប់គ្រងធនធានមនុស្ស (could-based) ផ្តល់ភាពងាយស្រួល ស្វ័យប្រវត្តិកម្ម និងតម្លៃសមរម្យ ដែលអាចបំពេញតម្រូវការ (flexible) តាមស្ថាប័នគ្រប់ប្រភេទ។ ធុរកិច្ចថ្មីនេះ ត្រូវបានបង្កើតឡើងនាដើមឆ្នាំ ២០១៩ ដោយមានការចូលរួមពីសំណាក់ស្ថាបនិក និងសហស្ថាបនិកចំនួន ៥នាក់។ គិតត្រឹមពេលនេះ, កម្មវិធី ផ្ដល់ជូនពីធុរកិច្ចថ្មីមួយនេះមានក្រុមហ៊ុនបាននឹងកំពុងប្រើប្រាស់ជាង ៣០០ ក្រុមហ៊ុន និងមានការទាញ យកកម្មវិធី CheckinMe ពីសំណាក់អ្នកប្រើប្រាស់ជាង ១០,០០០ ដង។ 

ចក្ខុវិស័យ

“CheckinMe”មានចក្ខុវិស័យចង់ក្លាយទៅជាដំណោះស្រាយដែលជាជម្រើសទីមួយឈានមុខលើផ្នែកធនធានមនុស្ស។ 

បេសកម្ម 

បេសកកម្មចំនួន ២ រួមមាន៖ ១. ផ្ដល់នូវសេវាកម្មគ្រប់គ្រងធនធានមនុស្ស ស្វ័យប្រវត្តិតាម ប្រព័ន្ធឌីជីថល។ និងទី ២. ផ្លាស់ប្តូរក្រុមហ៊ុនពីប្រើប្រាស់វិធីសាស្រ្តបុរាណ មក ប្រើប្រាស់បច្ចេកវិទ្យា។ 

មូលហេតុនៃការបង្កើត

មានដើមកំណើតនៅស្រុកមង្គលបូរី ខេត្តបន្ទាយមានជ័យ លោក ឡី កំថូង… ចំពោះសេវាកម្មរបស់ ធុរកិច្ចថ្មីមួយនេះ។ 

ទោះបីជាយ៉ាងណាក៏ដោយ, ការកកើតឡើងនូវធុរកិច្ចថ្មីមួយឡើង មិនមែនសុទ្ធតែមានភាពរលូតនោះទេ ជាក់ស្ដែង ស្ថាបនិកនៃធុរកិច្ចថ្មីនេះ ក៏បានលើកពីបញ្ហា ឬផលលំបាកចំនួន ៣ ផងដែរដែលក្រុមការងារបានជួបប្រទះ ដូចជា៖  

១. បច្ចេកទេសមានការស្រាវជ្រាវថ្មីៗរហូត និងបន្ថែមមុខងារថ្មីជាញឹកញ៉ាប់ 

២. សេវាកម្មថ្មី តម្រូវឲ្យមានការធ្វើការផ្សព្វផ្សាយ និងណែនាំច្រើនលើទីផ្សារ 

៣. អ៊ីនធឺណិតមិនទាន់មានគ្រប់គ្រាន់តាមតម្រូវការរបស់អ្នកប្រើប្រាស់។

អំពីសេវាកម្ម ឬផលិតផល

បច្ចុប្បន្ននេះ CheckinMe កំពុងផ្តល់ជូនសេវាកម្មចម្បង់ចំនួន ៣ ធំៗរួមមាន៖  

ទី១. ការគ្រប់គ្រងវត្តមានតាមពេលវេលាជាក់ស្ដែង (Real time) និងស្នើសុំច្បាប់តាមរយៈប្រព័ន្ធ អនឡាញ។  

ទី២. ប្រព័ន្ធតាមដានសកម្មភាពនៃការលក់ (Sale Activity System)៖ ដែលប្រើប្រាស់សម្រាប់ ក្រុមការងារផ្នែកលក់នៅខាងក្រៅការិយាល័យ ក៏ដូចជាការគ្រប់គ្រង KPI របស់បុគ្គលិក។  

ទី៣. ប្រព័ន្ធគ្រប់គ្រងធនធានមនុស្ស (HR System)៖ ដែលរួមបញ្ចូលនូវមុខងារជាច្រើនរួមមានការគ្រប់គ្រងធនធានមនុស្ស, Payroll និងប្រព័ន្ធគ្រប់គ្រងការលក់ ក៏ដូចជាមុខងារជាច្រើនទៀត។  

ចំណែកអតិថិជនគោលដៅវិញ ធុរកិច្ចថ្មីមួយនេះផ្ដោតលើក្រុមហ៊ុនដែលមានបុគ្គលិកចាប់ពី ១០ នាក់ ឡើងទៅ និងមានបំណងគ្រប់គ្រងវត្តមានរបស់បុគ្គលិកជាប្រចាំ។ 

 ផែនការអនាគត 

តាមរយៈគោលដៅច្បាស់លាស់ CheckinMe រំពឹងទុកថានឹងចាប់យកចំណែកទីផ្សារ ៣០ ភាគរយនៅក្នុងទីក្រុងភ្នំពេញត្រឹមឆ្នាំ ២០២៣ និងក្នុងឆ្នាំ២០២៤ ផ្តល់សេវាកម្មមួយនេះ ទៅកាន់ប្រទេសមួយចំនួននៅក្នុងសមាគមន័ ASEAN មានជាអាទិ៍ ប្រទេសឡាវ ថៃ និងវៀតណាមជាដើម។