សាលារៀន និងគ្រឹះស្ថានអប់រំ ជាកន្លែងប្រមូលផ្តុំមានលក្ខណៈងាយស្រួលក្នុងការបញ្រ្ជាបចំណេះដឹងនិងចំណេះធ្វើក្នុងចំណោមកុមារសិស្សានុសិស្សនិងយុវជនផ្លាស់ប្តូរទម្លាប់ផ្នត់គំនិតឥរិយាបថរបស់ពួកគេដែលជាគន្លឹះ បើកជំហានឆ្ពោះទៅកាន់អនាគតដ៏ភ្លឺស្វាងហើយតាមរយៈចំណេះដឹងបានផ្តល់នូវអំណាចដល់ពួកគេម្នាក់ៗឱ្យឈានដល់សក្តានុពលពេញលេញ និងជំរុញវឌ្ឍនភាពក្នុងសង្គមផងដែរ ។ថ្ងៃនេះក្រុមការងារសូមណែនាំបងប្អូនមកស្គាល់គ្រឹះស្ថានអប់រំឯកជនមួយឈ្មោះថា “សាលាអន្តរជាតិ អាល់រ៉ះម៉ាស់” ដែលមានទីតាំងស្ថិតនៅភូមិពោធិរោងលើ ឃុំកោងកាង ស្រុកពញាក្រែក ខេត្តត្បូងឃ្មុំ ។

ចក្ខុវិស័យនៃអាជីវកម្ម

គ្រឹះស្ថានអប់រំដែលបានបើកដំណើរការចាប់តាំងពីឆ្នាំ2014 មកនេះមាននូវចក្ខុវិស័យក្នុងការកសាងធនធានមនុស្សប្រកបដោយចំណេះដឹង វិជ្ជាជីវៈ មានសមត្ថភាពប្រកួតប្រជែងក្នុងសង្គមសម័យទំនើបនាពេលបច្ចុប្បន្ន ។

បេសកកម្មអាជីវកម្ម

ការឈរជើងបានជិត១០ឆ្នាំ សាលាអន្តរជាតិ អាល់រ៉ះម៉ាស់ បាននឹងកំពុងបំពេញបេសកកម្មដ៏សកម្មរបស់ខ្លួនក្នុងការផ្តល់បរិយាកាសអប់រំជាវិជ្ជមានពេញលេញសម្រាប់អ្នកសិក្សាតាមរយៈការកសាងថ្នាក់ដឹកនាំអប់រំឈានមុខ និងគ្រូមានសមត្ថភាពស្របតាមស្តង់ដារគុណភាពអប់រំជំនាន់ថ្មី ហើយសម្រេចបាននូវសារអង្គភាពក្នុងការកសាងធនធានមនុស្សឱ្យឈានទៅដល់ការអភិវឌ្ឍប្រកបដោយចីរភាព។

មូលហេតុនៃការបង្កើតអាជីវកម្ម

តាមរយៈស្ថាបនិកដែលលោកបង្កើតគ្រឹះស្ថានអប់រំនេះឡើងដោយមូលហេតុចម្បងចំនួនបួនគឺ៖

១. អភិវឌ្ឍធនធានមនុស្ស

២. ផ្តល់ការអប់រំតាមបែបទំនើប

៣. រួមចំណែកធ្វើឱ្យប្រសើរឡើងនូវការអប់រំឌីជីថល

៤.ចូលរួមជាមួយរាជរដ្ឋាភិបាលក្នុងការលើកកម្ពស់ការអប់រំនៅកម្ពុជា ។

អំពីសេវាកម្ម

សាលាអន្តរជាតិ អាល់រ៉ះម៉ាស់មានបង្រៀនចាប់ពីកម្រិតមត្តេយ្យសិក្សា រហូតដល់ថ្នាក់មធ្យមសិក្សាទុតិយភូមិ ហើយក៏មានបន្ថែមនូវមុខវិជ្ជាភាសាអង់គ្លេស កុំព្យូទ័រ និងសិក្សាអ៊ីស្លាមផងដែរ។ លើសពីនេះទៅពេលអនាគតសាលានឹងគ្រោងពង្រីកសាខាបន្ថែមទៀតផងដែរដើម្បីពង្រីកនូវស្តង់ដាវិស័យអប់រំរបស់ខ្លួនទៅកាន់កូនខ្មែរកាន់ច្រើនឡើងៗ ។

ទំនាក់ទំនង

• លេខទូរស័ព្ទ:088 888 4820
• អ៊ីម៉ែល: [email protected]
• Facebook: Rahma International School
• Website: RAHMA INTERNATIONAL SCHOOL