កាលពីថ្ងៃសៅរ៍ ទី២១ ខែធ្នូ ឆ្នាំ២០២៤ ក្រុមហ៊ុន CheckinMe ដែលជាប្រព័ន្ធស្កេន QR កូដស្កេនវត្តមានបុគ្គលិកឈានមុខគេនៅកម្ពុជាបានប្រារព្ធកម្មវិធីពានរង្វាន់ប្រចាំឆ្នាំ២០២៤ ដើម្បីអបអរសាទរសមិទ្ធផលដ៏វិសេសវិសាល និងការលើកទឹកចិត្តដល់ភាពស្មោះត្រង់ ការខិតខំអស់ពីកម្លាំងកាយចិត្តរបស់បុគ្គលិកឆ្នើមដែលមានការចូលរួមពីវត្តមានដ៏ខ្ពង់ខ្ពស់របស់អ្នកឧកញ្ញាបណ្ឌិត យ៉ូ សាម៉េត  ប្រធានគណៈកម្មាធិការអាស៊ីប៉ាស៊ីហ្វិក (APC) នៃកម្ពុជា, ថ្នាក់ដឹកនាំ និងសមាជិកច្រើនរូប។

នៅក្នុងក្រុមហ៊ុន CheckinMe ប្រជុំដោយបុគ្គលិកដែលមានទេពកោសល្យជាច្រើនរួបដែលមានទំនួលខុសត្រូវផ្សេងៗគ្នាទៅលើផ្នែករៀងៗខ្លួន។ ចំណែកឯកញ្ញា ឡេង ចំប៉ារង្សី វិញ មានតួនាទីជាអ្នកគ្រប់គ្រងធនធានមនុស្ស បានបំពេញកាតព្វកិច្ចយ៉ាងខ្ជាប់ខ្ជួនលើការងារ រៀបចំរចនាសម្ព័ន្ធក្រុមការងារ ការគ្រប់គ្រងដឹកនាំធនធានមនុស្សដែលជាបុគ្គលិកផ្ទាល់ឲ្យចូលរួមរក្សាទំនាក់ទនងល្អជាមួយគ្នាទៅវិញទៅមកនៅគ្រប់នាយកដ្ឋាន និងការិយាល័យ។

ការខិតខំកន្លងមករបស់កញ្ញាបានផ្ដល់សមិទ្ធផលមកវិញ ដោយការក្លាយជាម្ចាស់ពានរង្វាន់ Best HR Excellence Awardee ប្រចាំឆ្នាំ២០២៤ ដែលបានប្រគល់ដោយអ្នកស្រី សៅ ច័ន្ទរចនា នាយកផ្នែកហិរញ្ញវត្ថុ និងលោក ឡី កំថូង ប្រធាននាយកប្រតិបត្តិនៃក្រុមហ៊ុន CheckinMe ក្នុងគោលបំណងបង្ហាញពីការលើកទឹកចិត្ត និងការយកចិត្តទុកដាក់ពីទៅកាន់កញ្ញាដែលបានខិតខំយ៉ាងសកម្មបំផុតក្នុងរយៈពេលពេញ១ឆ្នាំនេះ។ រង្វាន់នេះប្រៀបបានជាកត្តាជំរុញមួយដល់បុគ្គលិកគ្រប់រូបប្រកាន់ខ្ជាប់នូវវិន័យល្អ គោរពពេលវេលា ការរក្សានូវទំនួលខុសត្រូវខ្ពស់ក្នុងការងារ និងការដាក់ខ្លួនស្មោះស្ម័គ្រជួយការងារគ្នាទៅវិញទៅមក ខិតខំសម្រេចនូវលទ្ធផលរួម និងអភិវឌ្ឃចំណេះជំនាញរបស់ខ្លួនឲ្យកាន់តែប្រសើរបន្ថែមទៀត ដើម្បីអាចក្លាយខ្លួនជាម្ចាស់ពានរង្វាន់បុគ្គលិកឆ្នើមនៅឆ្នាំថ្មីឆ្នាំ២០២៥ខាងមុខនេះ។

សម្រាប់ព័ត៍មានបន្ថែមសូមទំនាក់ទំនងតាមរយៈ ÷

លេខទូរស័ឌ្ទ: 061610455  ឬ 069665533

Website: www.checkinme.app

Facebook: CheckinMeKH

Telegram: kolyaneykuch